Ceuta

A Koatn vo Ceuta.

D Prowinzn u Prefektuan vo da Region Tánger-Tetuán (2010).

Ceuta, Spanish: Ceuta [ˈθewta]; arab. Sabta, masir. Sebta, is a autonoma Stod vo Spanja af n afrikanischn Gstod vo da Strouss vo Gibralta. Midrana Flechn vo 18,5 km² is 2017 is dej Bvelkaring umma 84 959 Leitn gweng. Dej Bvelkaring setzt se zamm vo Christn, Muslimm u weitana klejnnana Mindahaitn, doudrunta Sefardn u Hindu. Es Stodzentrum u d Altstod ling i da Gnejchtn von Hafn un om Hang von n Monte Hacho af da Halbinsl vo Almina.

I da Dschbala-Region in n Rif ba da Noadseitn vo Marokko ligt s af da Grenz zwischn en Mittlmeea un en Atlantischn Ozean. Es is zamm mid Melilla oans vo de nein bvelkatn spaneschn Terretorja z Afrika u oans vo de zwoa bvelkatn spaneschn Terretorja af da afrikanischn Landmassn. D Stod houd bis zen 14. Miarz 1995 za Provinz Cádiz ghejat, en Toḡ, wou d Autonomi-Statutn vo Ceuta u Melilla duache han. Dennat richtt se d hejchana Asbilding nou da Universitejt vo Granada, is s judizial en Tribunal Superior de Justicia de Andalucía, Ceuta y Melilla z Granada zouglidat u kirchle ghejats za Diozesn Cádiz y Ceuta.

Zwengs da strategaschn Loḡ hod da Hafn vo Ceuta a gwichtinga Rolln fia s Passian vo da Mearenga u fia Vabindunga zwischn en Atlantik un en Mittlmear ghobt. Weng en gachn beagatn Gstod u da Trickn vo Wossa, von n Eneagiquelln u vo primea wichtingan generell, ogseng vo Fisch, hom da Primeasektoa u da Sekundeasektoa i da Ekonomi koa groußs Gwicht niad. Aa da Bausektoa is kloa, wal da Grund oda a Boḏn fahlt, wou ma grouß wos hibaun kantat. Dennat houd Ceuta an Freihafn u Fiskalfensta, dej wou en Handl fiadan solln. Dej Landgrenz trennt Ceuta vo de marrokanischn Prefektuana Fahs Anjra u M'Diq-Fnideq, dej wou allzwou za Region Tánger-Tetuán-Alhucemas ghejan. Vur en Beitrid vo Spanja za Europejschn Union is Ceuta, wej Melilla u d Kanarischn Insln, Toal vonrana frein maritiman Wiatschaftszona gweng. Spanesch is d Amtssproch, a Marrokkanisch-Arabisch wiad vo umma 40 bis 50 prozent vo da Bvelkaring gredt.

Galeri

• 
  A Koatn vo Ceuta von n 19. Jh.
• 
  D Strouss vo Gibralta.
• 
  Nu a Biltl vo da Strouss vo Gibralta.
• 
  Es Fort vo Aranguren.
• 
  Es Fort vo Ányera.
• 
  Da Strõnd vo da Stod.
• 
  Es Kastell vo Desnarigado.
• 
  Da Hafn.
• 
  A Blik af Ceuta von n Monte Hacho oiche.
• 
  Dej Muley-El-Mehdi-Moschej.
• 
  D Stodmaua.
• 
  A Olts Biltl vo da Stod.
• 
  Dej Stod von n Hintaland.
• 
  D Mauan om Wossa u Kanol.
• 
  I da Stod.
• 
  Es Trujillo-Haus af d Nocht.
• 
  D Katedrol vo Ceuta af d Nocht.
• 
  Nu a Biltl vo da Katedrol.
• 
  Nu a Blik afs Gstod.
• 
  A marokanischs Bod vo inna.