Cuenca
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Cuenca ta un area di fluho (of drenahe) pa cu sistema di riu. Un cuenca por cubri regionnan grandi. Por ehempel, drenahe di Estadonan Uni central ta core via e sistema di riu Mississippi pa golfo di Mexico. Ademas, cuenca di riu Amazonas ta mas grandi ainda, e ta drain mas cu un tercer parti di Sur America.[1]
Mayoria awa dushi ta stroom door di cuencanan cu eventualmente ta yega ocean. Toch, algun cuenca ta drain den depressionnan geologico sin salida pa lama. Esaki ta wordo yama cuenca endoreico (of cuenca cera), caminda awa por sali unicamente door di evaporacion of sipel den tera. Un ehempel ta lama Aral, localisa entre Uzbekistan y Kazakstan.[1]
Activad humano denter di un cuenca por afecta calidad di awa. Den e cuenca di Mississippi, por ehempel, agricultura intensivo a aumenta nivelnan di nutriente, manera fosfor y nitrogeno. E nutrientienan aki ta promove crecemento di alga den golfo di Mexico. Ora alga muri y descomposita, e nivelnan di zuurstof den awa ta mengua, cua ta crea e asina yama "zona morto" caminda bida marino no ta sobrevivi. Nacionnan Uni ta calcula cu mas o menos 150 zona morto ta existi como consecuencia di actividadnan humano.[1]
Fuente, nota i/òf referensia
|