Temas

Rexión do estado de Victoria, ao SL de Australia (35.000 km²). É unha ampla extensión que se estende de L a O ata a baía de Port Phillip e constitúe a orla marítima dos Alpes Australianos.

Rexión de Iugoslavia, na Vojvodina, entre o Danubio e o Tisza inferior. É unha das rexións agrícolas máis fértiles da República Federal de Iugoslavia. Os principais núcleos de poboación son Novi Sad (a capital da Vojvodina), Subotica e Sombor. A Backa, que participara nas diversas vicisitudes de Alföld (avances na fronteira romanesa, invasións dos hunos e dos ávaros) foi poboada por maxiares ata que a maior parte dos habitantes a abandonou fuxindo da conquista turca no s XV. Agás algunha colonización serbia, a repoboación iniciouse despois da reconquista cristiá do s XVII con refuxiados católicos de Dalmacia, Bosnia-Hercegovina e Eslovaquia, maxiares, alemáns de Suabia, loreneses (despois asimilados polos anteriores) e eslovacos. O tratado de Trianon (1920) atribuíu case toda a rexión a Iugoslavia. Despois da derrota alemá na Segunda Guerra Mundial a maior parte dos alemáns morreron ou foron expulsados. No ano 1992 permaneceu integrada en Serbia.

Rexión do Vietnam que se estende ao longo da costa do mar da China meridional, desde o golfo de Tonquín ata a Cochinchina. Constituída por unha dorsal montañosa, a cordilleira Annamita é unha rexión esencialmente agrícola e as súas poboacións máis importantes son: Hue, Da Nang e Binh Dinh. Primitivamente civilizada por pobos de cultura chinesa, Annam transformouse en reino vasalo da China ata o 1428, cando os annamitas rexeitaron definitivamente os chineses e estableceron un reino independente baixo a dinastía dos Le. Un dos membros desta última familia, Nguyen Ahn, axudado por mercenarios franceses e por outros países europeos, unificou o territorio, que dende aquela pasou a chamarse Vietnam, e fundou o Imperio de Annam (1802). Nguyen Anh converteuse no primeiro Emperador co nome de Gia-Long. Cara ao 1833 estableceuse un protectorado francés sobre Tonquín en Annam. A partir da proclamación da República do Vietnam (1945), Annam entrou a formar parte do Vietnam.

Rexión histórica da Península Ibérica, que constituía o extremo occidental da Meseta Setentrional, formada polas provincias de León, Zamora, Salamanca, Valladolid e Palencia. É a actual Castela e León.

Rexión da República do Congo (74.850 km²; 151.839 h [estim 1992]). Dividida nas rexións oriental e occidental, as súas capitais respectivas son Owando e Ewo.

Rexión da Republica Democrática do Congo (154.742 km²; 3.117.000 h [estim 1994]). A súa capital é Kananga.

Rexión de Turquía (59.395 km²; 5.497.600 h [1990]).

Rexión de Italia meridional, constituída en 1963 ao obter a autonomía administrativa Os Abruzos e que correspondía á provincia de Campobasso ata 1970, cando foi dividida nas dúas provincias actuais: Coampobasso e Isernia (4.438 km²; 316.548 h [2001]). A capital é Campobasso. Esténdese desde a vertente oriental da cordilleira dos Apeninos ata o Mar Adriático.

Rexión do antigo Imperio Ruso que se estende desde os lagos Ladoga (Lad ǒ skoje Ozero) e Onega (Onežskoje Ozero) ata o Mar Branco (Beloje More). Xeomorfoloxicamente, forma parte do escudo báltico e está constituída principalmente por granito e gneis, moi afectados pola glaciación. Os solos son pobres en humus, e o país está ocupado en gran parte por lagos e zonas pantanosas. Ten un clima continental extremo. Os principais núcleos de poboación son Petrozavodsk, Kondopoga, Segeža, Kem’ e Lieska. Trala desaparición da URSS quedou dividida entre Rusia (República de Carelia) e Finlandia (Pohjois-Karjalan). A Carelia occidental foi historicamente a parte máis civilizada e poboada do país. Pertenceu ao estado sueco-finlandés ata o Tratado de Nystad (1721), momento en que pasou a pertencer a Rusia. En 1809, ao caer Finlandia baixo o dominio ruso, a rexión adheriuse ao resto do territorio finlandés, unión que se mantivo ata que se recoñeceu a súa independencia en 1920. Pola contra, a Carelia...

Rexión de Ghana (39.557 km²; 1.432.971 h [est 1991]). A capital é Sunyani (98.500 h [1984]).