Marokko

Kralestwo Marokko
	hesło; Allāh, al-Waṭan, al-Malik ; („Bóh, wótčina, kral“)
	zakładne daty:
swójske mjeno	المملكة المغربية; Al Mamlaka al-Maghribíja; ⵍⵎⴰⵖⵔⵉⴱ Elmaɣrib
stolica	Rabat
přestrjeń	446.550 km²
wobydlerstwo	33.323.000 (2015)
hustosć	74,6 wob./km²
forma knježerstwa	konstitucionelna monarchija
hłowa stata	kral; Mohamed VI. (محمد السادس, ⵎⵓⵃⵎⵎⴷ ⵡⵉⵙⵙ ⵚⴹⵉⵚ) (wot 1999)
šef knježerstwa	ministerski prezident; Aziz Akhannouch (عزيز أخنوش, ⵄⴰⵣⵉⵣ ⴰⵅⵏⵓⵛ) (wot 2021)
měna	marokkoski dirham
hamtska rěč	arabšćina a tamazight
hymna	Hymne Chérifien
časowe pasmo	UTC-1
njewotwisnosć	2. měrca 1956 wot Francoskeje
Top Level Domain	.ma
telefon	+212
	Połoženje Marokka na zemi
	Karta

30.9-8.4

Koordinaty: 31° S, 8° Z

Marokko (arabsce المغرب al-Maghrib = „zapad“; tamazight ⵍⵎⴰⵖⵔⵉⴱ Elmaɣrib abo ⵎⵓⵕⵕⴰⴽⵓⵛ Muṛṛakuc) je njewotwisne kralestwo na sewjerozapadźe Afriki. Stolica je Rabat, dalše wulke města su Casablanca, Marakeš a Agadir.

Arabski kraj je wot lěta 1956 njewotwisny a po wustawje z lěta 1992 konstitucionelna monarchija. Oficielna statna nabožina je islam, kotremuž přisłuši wjace hač 98 % ludnosće.

Geografija

Marokko je přez wuski Gibraltarski přeliw wot europskeje twjerdźe dźělene. Susodne kraje su na wuchodźe Algeriska, na juhu wot Marokka wobsadźena Zapadna Sahara a na sewjerje dwě małej španiskej eksklawje Ceuta a Melilla. Na zapadźe twori Atlantiski ocean přirodnu hranicu, na sewjerje Srjedźne morjo.

Najwyše hory Marokka nadeńdu so w horinach Atlas, kotrež so přez cyły kraj rozpřestrěwaja.